کابل ټکی کام( یکشنبه، ۳۱وږی، ۱۳۹۸)
د ورکړل شویو راپورونو پر اساس چې په امریکا کې یوه وسلوال برید لسو کسانو ته مرګ ژوبله اړولې ده.
یاد برید تیره شپه د متحده ایالاتو د کارولینا ایالت په لن کاسټر ښار کې د شپې په یو کلب کې ترسره شوی دی.
ځایي چارواکو هم پیښه تائید کړې خو د برید اصلي لامل او علت لا هم نه دی څرګند شوی.
پولیسو د بریدګرو او برید په اړه پلټنې پیل کړي دي.
د ځایي پولیسو په وینا چې د بریدګرو په ډزو کې ۲تنه ځای پر ځای وژل شوي او ۸ تنه نور ټپیان دي.
ټپیان روغتون ته د درملنې لپاره وړل شوي او حالت یې د اندېښنې وړ نه دی ښودل شوی.
