کابل ټکی کام (یکشنبه، ۳۱ وږی ، ۱۳۹۸ل)
د پاکستاني رسنیو دراپورونو په اساس، ددې هېواد لومړی وزیر عمران خان د افغانستان، او طالبانو سره د سولې پر مسئله له امریکایي ولسمشر ډونالډ ټرمپ سره خبرې کوي.
راپور زیاتوي، د ملګرو ملتونو تر عمومي غونډې یوه ورځ مخکې به عمران خان له ټرمپ سره ګوري او له هغه به غواړي چې له طالبانو سره خبرې بېرته پيل کړي، ځکه چې داقضیه نظامي حل نه لري.
عمران خان به دغه راز د افغانستان او کشمیر پر مسئله هم له امریکايي چارواکو سره اوږدې خبرې ولري.
د ملګرو ملتونو عمومي غونډه د سه شنبې په ورځ جوړېږي او په هغه کې د ملګرو ملتونو د غړو هېوادونو استازي او ولسمشران ګډون کوي.
په دې غونډه کې د هغو هېوادونو ولسمشران هم ګډون کوي چې په دې وروستیو کې یې اړیکې ترینګلې شوې دي.
د سعودي عربستان، ایران، روسیې، چین، هند او پاکستان مشران به هم په دې غونډه کې حضور ولري.
تردې وړاندې هم ځینې سرچینو تائید کړې وه چې ممکن دمذاکراتو له مېز تښتېدلې امریکا دسمییزو اونړیوالو هېوادونو دفشار په نتیجه کې یوځل بیا دخبرو مېز ته راوړاندې شي.
