کابل ټکی کام( سه شنبه، ۱۶تله، ۱۳۹۸)
عراقي ولسمشر په دې هیواد کې د روان تاوتریخوالي د ختمولو لپاره په ملي کچه د مذاکراتو وړاندیز کړی دی.
د عراق ولسمشر برهم صالح دا خبره په داسې حال کې کړې چې له څو ورځو راهیسي د عراق په لویو ښارونو کې د حکومت په خلاف سخت لاریونونه روان دي.
لاریون کوونکي د حکومت په ضد شعارونه ورکوي او وایي چې بې کارۍ تر پوزې راوستي او همدا رنګه په ټکو یې چې په حکومت کې فساد هم لوړې کچې ته رسیدلی دی.
په دې لاریونونو کې د پولیسو لخوا تشدد ترسره شوی چې له امله یې تر ۱۰۰ زیات کسان وژل شوي او ګڼ شمېر نور ټپیان دي.
برهم صالح ویلي چې دوی نه غواړي چې عراقی ولس دې د خپلو حقوقو پر سر وربړول شي.
صالح وروسته له هغه د ملي مذاکرانو موضوع راپورته کړې چې امریکا، ملګرو ملتونو، سعودي او ځینو نورو هیوادونو د عراق له حکومته غوښتي چې د تاوتریخوالي د پای ته رسیدو د پاره دې ژر لاس په کار شي.
په عراق کې شیعه مشر مقتدی صدر بیا د حکومت له مشرانو د واک پریښودو غوښتنه کوي او وایي چې د ملګرو ملتونو ترڅار لاندې دې ټاکنې ترسره شي.
