کابل ټکى کام (يکشنبه ، ١٢ لړم ، ١٣٩٨ل)
دپاکستان پلازمينه اسلام اباد کې دحکومت ضد مخالفو سیاسي ګوندونو له لوري دازادي مارچ دروان لاريون مشر مولانا فضل الرحمن ويلي دوي چې طالبانو ته اسلام اباد کې سياسي پروتوکول ورکوي اوطالب مشران پاکستان او دنړۍ نورو هيوادونو ته ښکاره سفرونه کولى نو بیا زموږ دازادي مارچ په جلسه کې دافغان طالبانو د بیرغ په پورته کيدلو نیوکې هیڅ معنا نه لري.
تیره ورځ په پاکستاني رسنيو کې په اسلام اباد کې روان ازادي مارچ ته دافغان طالبانو دبيرغ په راړل کيدو دازادي مارچ مشران له کلکو پوښتنو سره مخ کړل او له مولانا فضل الرحمن څخه غوښتل شوي وو چې هغه باید په دې اړه سپیناوي وکړي چې دطالبانو بیرغ دده جلسه کې څه کوي؟
دشنبي په ماښام جلسې ته پخپله وینا کې مولانا فضل الرحمان دپاکستان ریاست ته په اشارې کولو شک څرګند کړ چې “جلسې ته دطالبانو د بیرغ راوړل کیدل هم کیدای شي تاسو په خپله کړی وي تر څو دجلسې په ضد دمنفي تبلغاتو لپاره کار ورڅخه واخلى.
دمولانا په خبره دلته به چا دطالبانو جنډه خوځولي وي تاسو ترې لویه مسله جوړه کړه،خو طالبانو ته چې تاسو صدارتي پروتوکول ورکړ اودهغوي هرکلی مو وکړ هغه څه معنا.
دمولانا فضل الرحمن په مشرۍ دپاکستان دمخالفو سیاسي ګوندونو په لکونو ملاتړي دتیرو څلورو ورځو راهسې.دپاکستان په پلازمینه اسلام اباد کې لاريون پيل کړى او وزیراعظم عمران خان ته یې تر نن يکشنبې ورځې د استعفا وخت ورکړی دی.خو حکومت ويلي چې وزیراعظم عمران خان به استعفا نه ورکوي.
