کابل ټکى کام (دوشنبه، ۲۰ لړم ، ١٣٩٨ل)
وروسته تر هغه چې دټاکنو کمیسیون د رایو بیا شمېرنې خبر ورکړ او یوشمېر ټاکنیزو ټیمونو یې مخالفت اعلان کړی؛ اجریه دئیس ځینې ولایاتو کې د دې کمیسیون دفترونه تړلي دي.
د راپورونو له مخې اجرایه ریاست ته نیږدې کسانو په څلورو ولایتونو کې د ټاکنو خپلواک کمیسیون ولایتي دفترونه په زبردستۍ تړلي دي.
ویل کېږي چې دغه کسانو په سمنګان، تخار، پروان او پنجشیر کې د ټاکنو خپلواک کمیسیون د ولایتي دفترونو دروازې تړلې او د رایو د بیا شمېرنې اجازه نه ورکوي.
ددې تر څنګ دوی د یادو دفترونو کارکوونکي هم ګواښلي، او ورته ویلي یې دي چې که بیا ځل رایې وشمېري؛ سخت غبرګون سره به مخ شي.
د اجریه رئیس تر څنګ ګلبدین حکمتیار او نورو نوماندانو هم دټاکنو کمیسیون یاد اقدام غندلی او موقت حکومت یې د روان کړکېچ یواځینی حل بللی دی.
