د غزني د استيناف محکمې څارنوال وژل شوی
کابل ټکی کام (دوشنبه، ۲۷ لړم، ۱۳۹۸ل)
نامعلومو کسانو د غزني ولایت د استیناف محکمې څارنوال «محمد حسن حلیمي» او د نوموړي ورور په ډزو وژلي.
د غزني ولایت د ولایتي شورا رییس ‘نصیر احمد فقیري’ په خبره حسن حلیمي او ورور يې نن مازدیګر مهال شاوخوا ۴:۳۰ بجې د دوو نامعلومو موټرسایکل سپرو له لوري وژل شوي دي.
د یادونې وړ ده چې په تېرو نژدې ورځو کې دا څلورم څارنوال دی، چې د نامعلومو کسانو له لوري وژل کېږي.
