کابل ټکى کام (دوشنبه، ۲۵ لیندۍ ، ١٣٩٨ل)
د سي ان ان په ګډون یو شمېر امریکایي رسنۍ وایي، ټرمپ غواړي د افغانستان پر ځای په منځني ختیځ او مرکزي اسیا کې نفوذ پراخ کړي.
د دوی له قوله، په سپینه ماڼۍ کې یوې سرچینې ورته منلې چې ټرمپ غواړي له افغانستان زرګونه عسکر وباسي او پر ځای یې دغه عسکر په منځني ختیځ، مرکزي اسیا او د ایران په شاوخوا کې ځای پر ځای کړي.
سرچینه کاږي ټرمپ د سیمې د کنټرول نیت لري له همدې امله په افغانستان کې د خپلو ځواکونو شمېرکموي.
ددې راپورونو تر خپرېدو وړاندې د امریکا ددفاع وزیر هم ویلي وو چې د افغانستان پر ځای په ځینو نورو سیمو تمرکز کوي او له دغه هېواد خپل سرتېري نورو ځایونو ته لېږدوي.
داپه داسې حال کې ده چې دطالب او امریکایي مرکچیانو ترمنځ د مذاکراتو او توافقنامې د لاسلیک خبرونو هم رسنیز ډګر ګرم کړی. سرچینې وایي، راتلونکو دوو اونیو کې به د دې تحول شاهدان اووسو.
