څارنوال حشمت عبیدي
یوه لور مې پیدا شوه چې په زړه کې یې د( Coarctation of Aorta)..ستونزه درلوده.
په دې ناروغۍ اخته ماشوم د زړه جراحي عملیاتو ته اړتیا لري، چې بیا کلونه وروسته بیا ځلي قلب پرانيستل کېږي او جراحي عملیاتو ته یې اړتیا پېښېږي، دا لړۍ تر هغې پورې روانه وي چې وروسته ناروغ خپل ژوند له لاسه ورکوي.
براون وايي:
کله یې چې د ناروغتیا په اړه پوه شوم، په لومړي ځل مې په ژوند کې د بېوسۍ احساس وکړ.
ماشوم مې له مخې روغتیايي مرکز ته یووړ، د بدن رنګ یې له سینې ښکته شین شوی ؤ، ځکه چې بدن ته یې اکسیجن نه رسېده.
دا په دې معنا ؤ چې کېدای شي زما ناروغ مړ شي. کله مې چې دا حالت ولیده د لومړي ځل لپاره مې احساس وکړ چې زه د یوه ستر قدرت لرونکي ته اړ یم! حقیقت دادی چې زه له دې مخکې ملحد وم او په الله مې ایمان نه درلود.
ناروغ مې د ډاکټرانو تر څارنې لاندې کوټه کې پرېښوده او د څنګ خونې ته چې د جورج واشنګټن په روغتون کې د عبادت لپاره ځانګړې شوې وه؛ ورغلم او د یوه ملحد په ډول مې لمونځ وکړ ومې ویل:
«ای پالونکیه خدایه که ته موجود یې زما مرسته وکړه». بیا مې له خپل خالق سره ژمنه وکړه چې که «زما د لور ژوند دې وژغوره او زه دې یوه ریښتوني دین ته هدایت کړم، د هم هغه دین پیروي به کوم».
په دې ډول زما زاریو له ۱۵تر ۲۰ دقیقو وخت ونیوه.
کله چې د ډاکټرانو د پالنې کوټې ته ورننوتم، ټولو زما مخ ته وکتل. ددوی په مخونو کې د بدلون نښې ښکارېدې!! دوی نه پوهېدل چې څه پېښ شوي. ټول حیران وو!!.
کله مې چې ترې وپوښتل ویې ویل: د ناروغ وضعیت په ښه کېدو دی او له مرګه ژغورل شوی! هغه به ډېر ژر یو طبیعي ماشوم وي!! تردې چې نه عملیات او نه درملو ته اړتیا لري.
یوه وویل: په پیل کې مونږ تاسو ته د زړه ایکو او التراسونډ ښودلي وو، هغې یوه ستره ستونزه درلوده، خو اوس په طبيعي حالت کې ده.
ډاکټرانو کوښښ کاوه، یاده ستونزه راته تشریح کړي، ماوویل دا ډول تشریح ستاسو لپاره ګټوره ده خو زما لپاره بې ګټې ده! ددې لپاره چې ما لمونځ وکړ او زه په دې عقیده یم چې زما خالق زما مرسته وکړه.
باوري شوم چې خالق مې خپله ژمنه پوره کړه اوس باید زه خپله ژمنه پوره کړم.
له همدې لامله مې د دینونو مطالعه پیل کړه، له پیله مې یهودیت، نصرانیت ولوستل کلونه مې هڅه وکړه چې د حقیقت لاره پیدا کړم خو په یادو ادیانو کې د تناقضاتو په سبب کومې پایلې ته ونه رسېدم.
خپلو څېړنو ته مې دوام ورکړ، تردې چې اسلام مې د خپلو ټولو پوښتنو د ځوابونو لپاره بشپړ دین وموند، همدلته ؤ چې زړه ته مې ډاډ او اطمینان ورپه برخه شو، دا پېښه په کال ۱۹۹۴کې رامنځته شوې وه.
ډاکټر براون د جورج واشنګټن له پوهنتون د طبي برخې کورنیل پوهنتون څخه د سترګو په برخه کې فارغ شوی. دوه کتابونه یې چې د مقارنو ادیانو په برخه کې یې لیکلي، خورا شهرت لري، لومړی هغه یې (لومړی او وروستی وصیت) او دویم هغه یې (Goded) دی. د براون یوه ناول په ۲۰۰۷ م کال کې د غوره ناول جایزه هم ګټلې ده.
دبراون دعوتي کلپونه او لیکنې په انترنټ کې پریمانه شتون لري.
