کابل ټکی کام (دوشنبه، ۲۵ ليندۍ، ۱۳۹۸ل)
د راپورونو له مخې په بغلان ولايت کې د یوې ترافیکي پېښې له امله درې تنه مړه شوي او یو بل سخت ژوبل دی.
د ياد ولایت د چارواکو په وينا چې پېښه نن د بغلان ولايت د مرکز “پلخمري” ښار ته څيرمه د “بوغابي” سیمه کې د کابل- بغلان پر لویه لار رامنځته شوې ده.
د بغلان د امنيې قومندانۍ ویاند رسنيو سره په خبرو کې ویلي، پېښه هغه مهال رامنځته شوه چې يو ۴۰۴ ډوله مسافر وړونکي بس او کرولا موټر ټکر وکړ.
د نوموړي په خبره د پېښې په قربانیانو کې یوه ښځه یو ماشوم او دوه سړي شامل دي.
د پېښې لامل د موټر چلوونکو بې احتیاطي ښودل شوې ده. چې تل یې له امله دا ډول سترې فاجعې رامنځ ته کيږي.
