کندهار: يوه ټرافیکي پیښه کې ۹ تنه وژل شوي
کابل ټکی کام (جمعه، ۲۹ ليندۍ، ۱۳۹۸ل)
د کندهار ولایت د ارغنداب په ولسوالۍ کې يو موټر د سپرليو سره یو ځای د اوبو ته لویدلی دی.
د کندهار دامنيتي چارواکو په خبره چې یو سراچه ډوله موټر چې د واده میلمانه پکې سپاره وو د ډیر زیات سرعت له امله اوبو ته لویدلی دی.
چارواکي وايي چې په دې پيښه کې د ۳ تنو ماشومانو او ۵ تنو ښځو په ګډون ۹ تنه وژل شوي دي.
د کندهار د عامې روغتیا رئیس ډاکټر “موسی جان” رسنيو سره په خبرو کې ویلي دي چې د یاد شوي ولایت ډیر طبي امکانات د ټرافیکو پیښو په قربانیانو لګول کیږي.
په افغانستان کې د ټرافیکی قوانینو نه مراعات، د موټر چلوولو پر مهال د موټر چلوونکو لخوا نشه يې توکي کارول، د لارو خرابوالی او داسې نور هغه ستونزې دي چې ټرافیکي پيښو رامنځته کيدو ته يې زمینه برابره کړی.
