کابل ټکی کام (پنجشنبه، ۵ مرغومی، ۱۳۹۸ل)
له هغه وروسته چې د بېلتون په کرښه د هندي ځواکونو په ډزو کې دوه پاکستاني سرتيري ووژل شول، د پاکستان د بهرنیو چارو وزیر شاه محمود قریشي د دغه بريد په غبرګون کې ویلي، چې د هند لومړی وزیر نریندرا مودي د سیميز امنیت خرابولو هڅه کوي.
د نوموړي په خبره، پاکستان تل پر وېشونکي پوله د هندي پوځیانو د سرغړونو پر وړاندې چوپه خوله پاتې شوی دی؛ خو دوی د کړکېچ زیاتولو په موخه پر پاکستاني پوځیانو ډزې کوي او هڅه کوي چې ستونزې ډېري کړي. ښاغلي قریشي هندوستان ته ګواښ وکړ، چې نور دې د پاکستان حوصله نه ازمایي.
قريشي داسې مهال دا خبره کوي، چې نن د هند د پوځ ویاند پر خپل ټویټر لیکلي چې د پاکستان عسکرو د برید غبرګون کې یې پوځ درې پاکستاني پوله ساتي وژلي دي.
