کابل ټکی کام (دوشنبه، ۹ مرغومی، ۱۳۹۸ل)
له کابله خپرېدونکې ویسا ورځپاڼې خپله سرمقاله د ولسي جرګې او مالیې وزارت ترمنځ روانو جنجالونو ته ځانګړې کړې ده.
ورځپاڼه ليکي:” د ولسي جرګې د تدارکاتو د ملي کمیسیون رییس او د مالیې سرپرست وزیر څو ځله ولسي جرګې ته ور وغوښتل شول؛ خو هغوی حاضر نه شول، د قانون له مخې که د ولسي جرګې غړي حکومتي چارواکي د استیضاح لپاره ور غواړي باید ور حاضر شي.”
ولسي جرګې د مالیې سرپرست وزير۹۱ کود ته د ملیاردونو اضافي افغانیو په تحویل او د تدارکاتو ملي ادارې رییس د څو قراردادونو په تړاو ور غوښتي وو، خو يادو چارواکو د جرګې دې غوښتنې ته هيڅ پاملرنه ونه کړه.
د سرمقاله ليکونکي په باور، اصلاً اشرف غني او اداره يې قانون ته درناوی نه لري. دوی ولسواکي یوازې د شعار په توګه کاروي او په ښکاره اعلان کوي، چې د فضل الهادي مسلمیار لپاره یې بل سناتور له دندې ګوښه کړ.
