کابل ټکی کام (سه شنبه، ۱۰ مرغومی، ۱۳۹۸ل)
يو بنګله دیشي روغتون وروسته له هغه کې ماشومانو ته د انساني شیدو د ور کولو پروګرام وځنډاوه چې په بنګله ديش کې مذهبي مشرانو دغه کار سره خپل کلک مخالفت ښکاره کړ او دغه کار یې د اسلامي اساساتو خلاف وګڼلو.
د دغه پروګرام موخه د هغو ۵۰۰۰ یتیمانو او نورو ماشومانو تغذیه ده چې میندې یې د ورځې له خوا په کار کې بوختې وي.
بنګله دیش له هغو هیوادونو څخه يو دی چې په کې د مور د شیدو د کموالي له امله د ماشومانو تر منځ د سو تغذي کچه ډیره لوړه شوې ده.
که څه هم د مسلمانانو مشرتابه د دياد بانک په اړه کوم نظر نه دی ورکړی، خو د دغه پروګرام په ضد وړاندې شوی دلیل د هغو ماشومانو تر منځ د نکاح حرامیدل دي چې د یوې مور شیدې یې څښلي وي.
په بنګله دیش کې د یو اسلامي سياسي ګوند ویاند، غازي عطاالرحمن وایي رسنيو سره په خبرو کې ويلي چې په دې ډول باید د دوي ترمنځ ودونه هم غیر قانوني شي.
همدا ډول د بنګله ديش یو بل مهم اسلامي رهبر “احمد عبدالقیوم” ویلي چې شریعت په هيڅ ډول د شیدو د بانک د جوړولو اجازه نه ورکوي.
