ننګرهار کې ګڼ داعش وسله وال اسلامي امارت ته تسلیم شوي

کابل ټکی کام (سه شنبه، ۲۰ ثور، ۱۴۰۱ل)

له ننګرهار ولایت ورکړل شوي راپورونه وایي، چې د یاد ولایت په لسو ولسوالیو کې د داعش وسله والې ډلې لسګونه جنګیاليو خپلې وسلې پر ځمکه ایښي او د اسلامي امارت ځواکونو ته تسلیم شوي.

چارواکي د تسلیم شویو داعشیانو شمېر ۶۳ تنه ښیي او په خبره یې، چې د قومي مخورو په هڅو د ننګرهار د استخباراتو ریاست ته تسلیم او پر خپلو تېرو کړنو يې پښيماني وښوده.

په ورته مهال قومي مخور وايي، چې یاد کسان د قومي تړون له مخې تسليم شوي؛ که له دې وروسته کومه تخريبي کړنه تر سره کړي؛ نو کور به يې سوځول کيږي او له سيمې به اېستل کيږي.