کابل ټکی کام (سه شنبه، ۷ چنګاښ، ۱۴۰۱ل)
د افغانستان د حزب اسلامي ګوند مشر “اینجینر ګلبدین حکمتیار” په خپلو تازه څرګندونو کې له “اسلامي امارت” مننه کړې ده، چې اسدالله هارون یې د ګونتانامو له وحشي زندان څخه ازاد کړ.
د حزب اسلامي رسمي ټویټر پاڼه “شهادت” د حکمتیار په حواله لیکلي: له هغو ټولو ذيدخله جهتونو او په ځانګړي ډول د اسلامي امارت له درنو مسئولينو د زړه له کومي مننه کوو او کور-ودانی ورته وايو چي د ګوانتانامو له وحشتناك زندان څخه یې؛ د حزب اسلامي د مُتعهد او نامتو مُجاهد ښاغلي اسدالله هارون د خلاصون لپاره هلې ځلې يې کړي، او دا چې هېواد ته راتګ پر وخت يې د نوموړي لپاره د دروند، صميمي او گرم استقبال مراسم ترتيب کړي وو؛ پر همدي ملحوظ د حزب اسلامي ټول درانه منسوبين په ياده برخه کي د ټولو ښاغليو د هڅو قدرداني کوي او له الله تعالیٰ غواړي چې د خير په کارونو کي دوی ته مزيد توفيق او ستر أجر په برخه کړي.
ورور حکمتيار
له هغو ټولو ذيدخله جهتونو او په ځانګړي ډول د اسلامي امارت له درنو مسئولينو د زړه له کومي مننه کوو او کور-ودانی ورته وايو چي د ګوانتانامو له وحشتناك زندان ئې؛ د حزب اسلامي د مُتعهد او نامتو مُجاهد ښاغلي اسدالله هارون د خلاصون لپاره هلې ځلې يې کړي، او دا چې هېواد ته د pic.twitter.com/tyUyfDzA1z— Daily Shahadat (@daily_shahadat) June 27, 2022
باید وویل شي چې اسدالله هارون له تېرو ۱۵ کلونو راهیسې د ګونتانامو په وحشي زندان کې بندي و، تېره اوونۍ د افغانستان اسلامي امارت په هڅو خوشې او د قطر په پلازمینه دوحه کې افغان حکومت ته وسپارل شو؛ نوموړی د حزب اسلامي ګوند غړیتوب لري او کلونه وړاندې د القاعدې نړیوال جهادي حرکت سره د اړیکو په تور امریکایي استخباراتو نیولی و؛ خو تر پایه پرې لګیدلی تور ثابت نه شو.
