کابل ټکی کام (سه شنبه، ۷ چنګاښ، ۱۴۰۱ل)
د راپورنو له مخې، نن سه شنبه د «چنګاښ ۷» له زلزله ځپلو سره د اته ميليون ډالرو په ارزښت د چين مرسته کابل ته رارسېدلې ده.
د ا.ا.ا ویاند ذبیح الله مجاهد پر خپل ټویټر لیکلي چې له زلزله ځپلو سره د مرستو په لړ کې نن سهار د چین هېواد دوې الوتکې مرستې کابل ته راورسیدې، چې د ۸ میلیونو ډالرو کمپلې، البسه او نور اړین توکي پکې شامل دي.
مجاهد زیاته کړې، چې د ا.ا.ا مسؤلين د چین له دغې سخاوتمندانه مرستو څخه مننه کوي.
تردې مخکې هم د چین د فلزي ګروپ (ایمسيسي) د عینک مسو کان پروژې په افغانستان کې له وروستیو زلزله ځپلو سره د خوراکي توکو مرسته کړې وه.
چينايي چارواکو تر دې مخکې هم ويلي، چې افغانستان سره به خپلې مرستې جاري ساتي.
