روسيه: د بوډاګانو په یوه کور کې د اور لګېدو له امله ۲۰ کسان وژل شوي
کابل ټکی کام (شنبه، ۳ جدي، ۱۴۰۱ل)
د راپورونو له مخې روسيه کې د بوډاګانو په یوه کور کې د اور لګېدو له امله ۲۰ کسان وژل شوي او شپږ تنه نور ټپیان شوي دي.
چارواکي وايي، دا اورلګيدنه د سایبریا په کېمېروف ښار کې د لویانو او بوډاګانو ساتنې لپاره په شخصي کور کې رامنځته شوې چې په ناقانونه توګه کارول کېده.
لومړني راپورونه وايي، دا پېښه ښايي د بایلر د تودوخې د ناسمې ګرمۍ له امله رامنځته شوی وي.
په ۲۰۱۸ کال کې هم د کېمېروف ښار په تفریحي مرکز کې د اور لګېدنې له امله د ۳۷ تنو ماشومانو په ګډون شپېته تنه وژل شوي وو.
