کابل ټکی کام (شنبه، ۱ سلواغه، ۱۴۰۱ل)
د افغانستان د حزب اسلامي ګوند مشر اینجینر “ګلبدین حکمتیار” نړیوالو ته په خطاب کې ویلي، چې مرستې مه کوئ بلکې بندیزیونه ختم کړئ.
نوموړي ته په یوې منسوبې ټوېټر پاڼې چې تل ترې د ښاغلي حکمتیار څرګندونې خپریږي لیکل شوي: دا د نړیوالو بشردوستانو د منافقت اوج دئ، چي یو طرف ته ئي بندیزونه راباندي لګولي، بل طرف ته د ناچیزه بشري مرستو ناري وهي.
مرستي مه کوئ، بندیزونه ختم کړئ.
یادې ټویټر پاڼې دغه راز په یو جلا ټویټ کې د ښاغلي حکمتیار له قوله ویلي، چې له کابل ښار څخه د سوالګرو ټولول او منظم معاش ورته ټاکل او د معتادينو ټولول او درملنه ئي کول داسي ستر اقدامات دي، چي تیر رژیم د ډالرو باران کي تر سره نه کړل، خو اسلامي امارت ابتدائي مرحله کي پري قادر شو.
مګر د بشري حقوقو ادارو نه څه مرسته وکړه او نه ئي دا هڅي وستایلي.
د ویلو ده چې د حزب اسلامي افغانستان مشر ګلبدین حکمتیار یو له هغو افغان سیاستوالو ګڼل کېږي چې د طالبانو په مشرۍ د نوي افغان حکومت په راتګ په هيواد کې پاتې شول اګر که نوموړی د اوس لپاره کوم سیاسي فعالیت نه کوي خو تل یې د اسلامي امارت په رهبرۍ د نوي افغان حکومت ملاتړ کړی دی.
دا د نړیوالو بشردوستانو د منافقت اوج دئ، چي یو طرف ته ئي بندیزونه راباندي لګولي، بل طرف ته د ناچیزه بشري مرستو ناري وهي.
مرستي مه کوئ، بندیزونه ختم کړئ.#حکمتيار pic.twitter.com/cnN43gVDvf— حکمتيار / Hekmatyar (@hekmatyar_hia) January 18, 2023
