کابل ټکی کام (شنبه، ۸ سلواغه، ۱۴۰۱ل)
د افغانستان د اسلامي ګوند مشر ” انجینر ګلبدین حکمتیار” په خپلو تازه څرګندونو کې ویلي، چې د اوكراين جنگ د روسيې او اروپا+امريكا تر منځ په خونړي جنگ اوښتى؛ ابعاد ئې د پراخېدو په حال كي دي؛ اروپا او امريكا اوكراين ته نوي او مخكي تللې وسلې وركوي او کریملین؛ د غرب له لوري کییف ته د دغو وسلو، راكټونو او ټانکونو ورکړي ته؛ د اوکراین په جگړي کي د امریکا او اروپایي هیوادونو د مستقیمې ښکیلتیا په سترگه گوري.
د نوموړي په خبره وړمه ورځ ورځ جرمني اوکراین ته د «لیوپارد ۲» ټانکونو او امریکا د «ابرامز» ټانکونو د ورکړې پریکړه وکړه. كرملين وايي چي دا وسائل به د اوكراين جنگي ځواك پياوړي نه كړي او روسيه دا توان لري چي دا وسائل له منځه يوسي.
حکمتیار چې دغه څرګندونې یې پرون جمعه په” ایمان جومات” کې د جمعې په ورځ په خطبه کې کولی او په پای کې یې وویل خپل مهربان رب ته دعاء كوو چي زموږ مظلوم ملت، ځورېدلى او ځپل شوى اسلامي امت او د نړۍ ټول مظلومان؛ د شريرو، جنگ غوښتوونکو، مفسدينو او ظالمانو له شرارتونو وژغورې.
