کابل ټکی کام (سه شنبه، ۱۸ سلواغه، ۱۴۰۱ل)
د ترکیې په جنوبي سیمه کې چې د دوشنبې د ورځې په زلزله کې سخته ځپل شوې، لسګونو افغانانو ته مرګ ژوبله اوښتې ده.
د فیاض په نوم یو افغان ویلي چې ۷۰ تنه افغانان مړه شوي او ډیر شمېر لا هم د ودانیو لاندې ورک دي.
د هغه په وینا، د ترکیې په لسو زیانمنو شویو ښارونو کې تر ۷۰ زره افغانان اوسیږي او د افغانانو نږدې ۱۰۰ کورونه هم ویجاړ شوي دي.
په ترکیه کې د عبیدالله اسلم خان په نوم بل افغان رسنیو ته ویلي، چې د سلو په شاوخوا کې افغانانو ته مرګ ژوبله اوښتې ده.
هغه وویل چې د واکانت په سیمه کې ډېر افغانان زیانمن شوي دي.
په ترکیې او سوریې کې د دوشنبې په ورځ د ریکتر په کچه د ۷.۸ درجې زلزلې د مړو شمېر له ۶۰۰۰ زره اوښتی دی.
