احمد خان تکل
د هندوستان اوسنی لومړی وزیر “نریندرا مودي” چې د ګجرات قصاب هم ورته ویل کیږي ایا پوهیږئ چې ولې یې د ګجرات قصاب بولي؟
مودي چې د هندوستان د یو افراطي او اسلام ضد متعصب ګوند سره اړیکې لري تر صدراعظمۍ وړاندې د هندوستان د ګجرات ایالت اعلی وزیر و ګجرات ایالت د هندوستان یو له هغو ایالتونو څخه شمېرل کېږي چې ډېر مسلمانان پکې استوګنه لري.
مودي د خپل قومي او مذهبي جنون له وجې په یاد ایالت کې د خپلې واکمنۍ پر مهال په زرګونو مسلمانان شهیدان کړي، ټپیان کړي او زرګونه نور یې بندیان کړي وو. مودي یوازې د مسلمانانو په وژلو بسنه و نه کړه بلکې په سلګونو جوماتونه یې هم ونړول او د مسلمانانو د سپیڅلي کتاب قرانکریم په ګډون یې د اسلام د نورو شعائر بې حرمتي هم وکړه او ان تر دې چې د مسلمانانو عزتونو ته یې هم لاس واچاوه او زرګونه مسلمانې میرمنې یې بې پته کړې.
د مودي هم دې ناوړه کړنو نوموړي ته په هندوانو کې محبوبیت ورکړ او ان د لومړي وزیر تر چوکۍ یې را ورساوه چې له امله یې نوموړي ته نوره مخه هم خلاصه شوه او په ټول هندوستان کې یې په خلاص مټ د مسلمانانو ځورولو ته دوام ورکړ او هندوانو سره یې ژمنه وکړه چې په هندوستان کې به یوازې دوی هندوان اوسیږي نورو خلکو ته پکې د اوسیدو ځای نشته.
دا خبره موږ نه کوو بلکې د بشري حقونو نړیوالو ادارو هم بیا بیا د مودي د مظالمو په خلاف غږ پورته کړی ده بي بي سي او ځینو نورو نړیوالو رسنیو پرې مستند راپورونه هم جوړ کړي دي.
