د افغانستان لپاره د پاکستان ځانګړي استازي له خپلې دندې استعفا وکړه
کابل ټکی کام (چهارشنبه، ۱۰ کب، ۱۴۰۱ل)
د افغانستان لپاره د پاکستان ځانګړي استازي استعفا کړې ده. د افغانستان لپاره د پاکستان ځانګړي استازي محمد صادق خان پر خپله ټویټر پاڼه لیکلي، چې له نږدې درې کلن کار وروسته له خپلې دندې استعفا کوي.
نوموړي پر خپله ټویټر پاڼه لیکلي: د افغانستان لپاره د پاکستان د ځانګړي استازي په توګه له نږدې درې کالن خدمت کولو وروسته، ما له حکومت څخه غوښتنه وکړه چې او د دې وخت رارسېدلی چې پر خپلو شخصي کارونو – کورنۍ، کتابونو، کرنې او چاپیریال باندې تمرکز وکړم.
نوموړي زیاته کړې:زه د افغانستان لپاره د ځانګړي استازي په توګه د ټاکل کېدو له امله د ولسمشر، لومړي وزیر او اړوندو اړخونو څخه مننه کوم.
زه د خپلو ډیرو همکارانو د زحمت قدرداني کوم چې د پاکستان او افغانستان د اړیکو د ښه کولو لپاره یې نه ستړې کیدونکې هڅې وکړې.
د ویلو ده چې په خټه پښتون محمد صادق خان د پاکستان د خیبر پښتونخوا د ایالت اړوند د صوابۍ ولسوالۍ اوسیدونکی ده او د پاک-افغان اړېکو د ښه کېدو لپاره یې ډېرې هڅې کولې تر اوسه معلومه نه ده چې پرځای به یې څوک ټاکل کیږي خو د ټولنیزو رسنیو ډېرو افغان کارونکو یې هڅې ستایلې دي.
1. After serving close to three years as Pakistan's Special Representative for Afghanistan, I have requested the Government that the time had come for me to move on & focus on my personal pursuits – family, books and agriculture/environment.
— Mohammad Sadiq (@AmbassadorSadiq) March 1, 2023
