د افغانستان ملي لوبډلې له پاکستانه د شلاوره سیالیو لوبلړۍ وګټله
کابل ټکی کام (دوشنبه، ۷ وری، ۱۴۰۲ل)
د افغانستان کرکټ ملي لوبډلې په دویمه شلاوره سیالۍ کې د پاکستان ملي لوبډلې ته ماتې ورکړه او د دې سیالیو لوبلړۍ یې د افغانستان په نوم کړه.
دا سیالي نن یکشنبه د وري ۶مه د متحده عربي اماراتو په شارجه کې وشوه.
د دې شلاوره سیالیو په دویمه لوبه کې پاکستان لوبډلې د شپږو لوبغاړو په سوځېدو افغانستان ته ۱۳۱ هدف وټاکه چې افغان لوبډلې د دریو لوبغاړو په سوځېدو د لوبې په شلم اور کې یاد هدف پوره کړ.
په نننۍ لوبه کې رحمت الله ګربز تر ټولو زیاتې په ۴۹ بالونو ۴۴ منډې جوړې کړې.
د یادولو ده چې افغان لوبډلې د روانو لوبو په لومړۍ لوبه کې پاکستان ته ماتې ورکړه او د نننۍ لوبې په ګټلو سره یې د روانو سیالیو دا لوبلړۍ هم وګټله.
د افغانستان او پاکستان لوبډلو ترمنځ درېیمه یا وروستۍ لوبه به سبا دوشنبه د وري ۷مه نېټه وشي.
