جاپان د واکسینو او پاکو اوبو ته د ماشومانو د لاسرسي په برخه کې له افغانستان سره ۲۱ میلیونه ډالره مرسته وکړه

کابل ټکی کام (دوشنبه، ۷ وری، ۱۴۰۲ل)

د ملګرو ملتونو د ماشومانو وجهي صندوق (یونیسف) وايي، د جاپان حکومت په افغانستان کې ماشومانو ته د اړینو واکسینونو او د پاکو اوبو د برابرولو په برخه کې له ۲۱ میلیونو ډالرو ډېرې مرستې کړې دي.
د یونیسف د معلوماتو له مخې، له دې پیسو څخه ۱۸ میلیونه ډالر د واکسینو د برابرولو لپاره ځانګړي شوي دي.
یونیسف ویلي، چې د جاپان مرستې به دغه سازمان ته دا وړتیا ورکړي چې د شري، روټا ویروس، تیتانوس او ډیپتیریا، پولیو، هیپاټیس بي او نورو واکسینونو له ۱۸ میلیونو څخه زیاتو میندو او ماشومانو ته ورکړي.
دغه تمویل به د یونیسف سره مرسته وکړي چې په 2023 کې د واکسین کمپاینونو په جریان کې شاوخوا 10 ملیون ماشومانو ته د خولې واکسین وویشي.
یونیسف زیاته کړې، چې د جاپان د مرستې په برخه کې نور 3.6 ملیون ډالر به یونیسف او د هغې شریکان وکولی شي په 20 ښوونځیو کې 10,000 زده کونکو ته – چې 50 سلنه یې نجونې دي – د پاکو اوبو او روغتیا ساتنې خدمات چمتو کړي.