په هند کې د زياتې ګرمۍ له امله د مړو شمېر ۱۰۰ ته ورسېد
کابل ټکی کام (سه شنبه، ۳۰ جوزا، ۱۴۰۲ل)
اسوشيټېډ پرېس خبري اژانس راپور ورکړی چې د هند په دوو ګڼ نفوسه ايالتونو اتر پرادېش او بيهار کې د سختې ګرمۍ له امله د مړو شويو کسان شمېر نږدې ۱۰۰ ته رسېدلي دي. د راپور له مخې، هندي ډاکټرانو هغو کسانو ته، چې عمرونه يې له ۶۰ کلونو لوړ او په بېلابېلو ناروغيو اخته دي، سپارښتنه کړې، چې د ورځې په اوږدو کې په کورونو کې پاتې شي.
