د اسد ۲۴ د اسلامي امارت د بیا حاکمیت سپینه ورځ!

لیکنه: استاد عبدالجبار وحدت
دا هغه ورځ وه چې د اشغالګرو ورمیږونه یې د پاک رب تعالی په نصرت غوټ ورمات کړل ، داسې یې ورمات کړل چې خرچی یې آن ټولې نړۍ واورېد، دا هغه ورځ وه چې د ع او غ د فساد ډکې دورې ته نور د پای ټکی کېښودل شو ، دا هغه ورځ وه چې د دیموکراسۍ په تابوت وروستی مېخ ټک وهل شو، دا هغه ورځ وه چې د اشغال، استعمار او استحمار دورې پای وموند ، دا هغه ورځ وه چې د اسلامي امارت فکر،له کلیو څخه عملا د ښار په لور واوښت ، دا هغه ورځ وه چې د ارګ په سر سپین محمدی توغ/رپی رپاند شو، دا هغه ورځ وه چې په متکوبونو کې د جمهوریت پر ځای د امارت سپیڅلي کلیمه ولیکل سوه ، دا هغه ورځ وه چې په هیواد کې سرتاسري امنیت تامین شو، دا هغه ورځ وه چې د اسلامي نظام وړانګې په ټول هیواد خورې شوې، دا هغه ورځ وه چې د اسلامي امت ځوانانو یو ځل بیا د ارام ساه وکښله ، دا هغه ورځ وه چې نور کلیوال له دې بیغمه شو، چې د وژونکو الوتکو په غږ به له خوبه راجګیږي، دا هغه ورځ وه چې پاټکیان،بې ځایه نهضتونه او لنډه غري نور پای و موند
او دا هغه ورځ وه چې ……غرب خپله ومنله چې د ډانګ او ټانګ ، حق او باطل جګړه ، د حق لښکرو د ډانګ پر مټ ټانګ ته ماتې ورکړه ، اوایمان مادیت ته.
الحمدلله