شیخ احمد یاسین رحمه الله په ۱۹۹۹ کال کې وویل چې اسراییل هیڅ راتلونکې نه لري او په ۲۰۲۷ کال کې به له منځه لاړ شي، په هغه وخت کې عربو صهیونیسټانو او یهودو نارې سورې او … جوړ کړ او ویې ویل چې شیخ احمد یاسین خيالات وینی، خو شیخ ځواب ورکړ چې زما د دې خبرې سرچینه قرآن کریم دی.
▪️په 2002 کې، د امریکا نیوز ویک مجلې د یهودي تاریخ پوهانو په حواله دا نظریه تایید کړه.
🔹 په حقیقت کې، د اسرائیلو سقوط او زوال له 1987 کال راهیسې پیل شوی.
ډیویډ ویس یو یهودي حاخام چې د صهیونزم ضد شخص دی،د ده هدف د یهودي دولت د تاسیس پر وړاندې مبارزه وه ځکه چې دوی باور لري چې خدای دوی ته امر کړی چې ویشلی تیت پرک خواره واره ژوند وکړی، او د یوه دولت جوړول او یو ځای کیدل د خدای نافرامانی ده او ريښتيني يهودان، باید په سوليزه توګه د یوه مستقیله هېواد په توګه د اسرائيلو له استقرار پر وړاندې مبارزه وکړي. نوموړی وایی: «مونږ دا اجازه نلرو چې د ځان لپاره یو مستقیل هیواد ولرو»
🔸زمونږ اسلامی علماء هم د دې آیت په تفسیر کې وایی:«وَقُلْنَا مِنْ بَعْدِهِ لِبَنِي إِسْرَائِيلَ اسْكُنُوا الْأَرْضَ،»[سُوۡرَةُ الإسرَاء : 104] «او له هغه وروسته موږ بني اسرائيلو ته وويل چي اوس په دې ځمکه کښي و اوسیږئ،»
الله تَبَارَک وَتَعَالَی دوي ته امر کړی دی چې په جهان کې خواره واره یا تیت پرک ژوند وکړي.
⭕ په دې باید وپوهیږو له دویمې نړیوالې جګړې را وروسته کله چې غرب له اسلامي هېوادونو وتل نو دا چې دلته باید خپل یو نماینده ولری د اسرائیلو په نامه یې د یوه دولت په جوړولو لاس پورې کړ.
په اسرائیلو کې هیڅ استقرار نشته یواځې په تیرو ۴ کلونو کې په دغه هیواد کې ۵ ځلی انتخابات تر سره شول، حکومتی فساد خپل اوج ته رسېدلی ټول حکومتی چارواکي په فساد کې لتاړ دي…..؛
🔸د 1948 ام کال راهیسې، کله چې دا دولت رامنځته شوی، هیڅ قانون پکښې شتون نلري، او اوس اسراییل په داخلي ویشل کیدو کې را ګیر دی او متحد نه دی. د نیواکګر رژیم له پیل راهیسې دوی هره ورځ د قانون او نظم په اړه بحثونه کوي او دا سوالونه کوی چې مونږ ولې بې قانونه یو؟
ځکه دوی یوه مافیايي ډله ده چې له دوهمې نړیوالې جګړې وروسته یې فلسطین یرغمل کړ او مافیا یې ډلې هیڅ قانون ته پای بند ندي، ځکه چې قانون نظم او انظبات راولی خو دوي یې نه غواړی.
هر اسرائیلی وګړی په پوځ کې عسکر ګڼل کیږی، کله چې بلوغ ته ورسیږی نظامي زدکړو ته لیږل کیږی او وروسته له زدکړو ده ته وسله ورکول کیږی چې په کور کې یې ورسره وي او د اړتیا په وخت کې د تیار سی په حالت کې وي؛ يعنې د اسرائلو ټول اوسېدونکي نظامیان دي.
🔸 د صهیونیسټی رژیم مشران چې پخوانی لومړی وزیر نفتالی، نتانیاهو، د یهودو د اقتصاد نابغه، پروفیسور دنیا، او داسې نور هم په دې باور دی چې د دوی د ړنګیدو وخت را رسیدلی دی او باور لری چې له ۲۰۲۸ کال وروسته به اسرائیل نه وی.
دوی وايي چې دوه زره کاله مخکې یهودان دوه ځله واک ته ورسېدل، یو ځل یې ۸۰ کاله حکومت وکړ او بل ځل یې ۷۷ کاله، بیا ړنګ شول او د دریم حکومت (صهیونیسټي رژیم) ژوند پای ته د رسېدو په حال کې دی.
د موساد پخوانی مشر چې د اسراییلو د ساتنې دنده پر غاړه لري، هم په پریشانۍ او اضطراب کې دی او وايي چې حکومت یې ړنګېدو ته نږدې شوی دی.
▪️په ۲۰۱۴ کال کې د اسرایلو مشهور لیکوال راجر الوار یوه مقاله لیکلې وه چې د هارتس (Hearts) په مجله کې خپره شوه نوموړي په دې مقاله کې ویلی و چې زه نه غواړم په اسرایلو کې ژوند وکړم،همدا کافی ده چې په دې حکومت کې امنیت او ثبات نشته.
🔸له ۱۹۴۸ کال راهیسې په اوسط ډول هر کال له ۲۰۰ څخه تر ۳۰۰ زرو پورې خلک اسراییلو ته کډوال کیدل او په تېرو درېیو کلونو کې اسراییلو ته د کډوالۍ څپې د پام وړ کمې شوې دي، تر دې چې په ۲۰۲۲ میلادې کال کې یواځې ۱۹ زره کسان اسرائلو ته راغلی دی، له دې یو کال وړاندې یعنی په ۲۰۲۱ کال کې ۳۳ زره کسان اسرائلو ته کډوال شوي وو.په داسې حال کې چې اسراییلو ته مهاجرت په پراخه کچه کم شوی، له بلې خوا، له اسرائیلو څخه بهر مهاجرت مخ په زیاتیدو دی، او ډیری اسرائیلي اوسیدونکي په جدي توګه د مهاجرت په اړه فکر کوي.
د لوړ پوړو اسراییلي چارواکو ډیری اولادونه په بهر کې ژوند کوي ټول یهودیان دوه پاسپورټونه لري، یو د هغه هیواد څخه چې دوی د اسراییلو لپاره چمتو کړی او بل یې د اسراییلو څخه ترلاسه کړی، او په هر حالت کې دوی بشپړ چمتو دي چې اسراییل پریږدي او ځان وژغوري. اکثره یهودیان اسراییل پریږدي او آلمان ته مهاجرت کوي.
