کابل ټکی کام (سه شنبه، ۲ لړم، ۱۴۰۲ل)
د حماس غورځنګ دریم سیاسي مرستیال “اسامه حمدان” لبنان کې یوې خبري ناستې ته د خبرو پر مهال له اسلامي نړۍ غوښتي چې د صهیونیستي ریژیم سفیران
له خپلو هیوادونو وشړي.
“موږ په عربي او اسلامي هیوادونو او ملګرو ملتونو غږ کوو چې د تیري د مخنیوي لپاره خپل اخلاقي مسؤلیتونه ترسره کړي.”
“موږ پر عربي او اسلامي هېوادونو غږ کوو چې د اسراییلو له اشغالګر دولت سره خپلې اړیکې پرې کړي خپل سفیران ترې را وباسي او د هغوی سفیران ور وشړي.
حمدان غوښتنه کړې، چې عربي- اسلامي هیوادونه او ملګري ملتونه باید غزې ته د بشري دهلیزونو د پرانستلو لپاره هڅې ګړندۍ کړي.”
حمدان زیاته کړې:موږ په ټوله نړۍ کې آزادو خلکو ته درناوی کوو او په دوی غږ کوو چې خپل حرکت ته دوام ورکړي تر څو چې پر غزې د تروریست صهیونیستي ريژیم تیری پای ته ورسیږي.
