کابل ټکی کام (جمعه، ۱۲ لړم، ۱۴۰۲ل)
په داسې حال کې چې پر غزې تړانګې لا هم د اسراییلي/ صهیونیستي سازمان هوایي بریدونه روان دي؛ خو په غزه یې شپږم ځل هم ځمکنی یرغل د حماس مجاهدینو له کلک مقاومت سره مخ او ناکام شوی دی.
د اسراییلي پوځ رادیو خبر ورکړی، چې ځواکونو یې تېره شپه د غزې په ځینو برخو کې په محدوده کچه عملیات ترسره کړي؛ خو بیرته یې شاتګ کړی دی.
د اسراییلي پوځ رادیو وایي، چې ځواکونو ته یې درنه مرګ ژوبله اوښتې او د څو مهمو قوماندانانو په ګډون یې ۲۲ پوځيان وژل شوي چې ورسره د اکتوبر د ۷ مې نېټې راهیسې د ټولو وژل شویو سرتېرو شمېر ۳۳۸ او د نیول شویو هغو بیا ۲۴۱ تنو ته رسیدلی دی.
په غزې تړانګې د اسراییلي ځواکونو د وحشیانه هوایي بمباریو په غبرګون کې چې تر اوسه پکې د ښځو او ماشومانو په ګډون ۹۰۰۰ فلسطنیان شهیدان شوي له غزې، لبنان او یمن څخه د اسراییلو پر پلازمینې تل أبیب او ګڼ شمېر نورو ښارونو توغندویي او د بې پیلوټه الوتکو بریدونه روان دي چې اسراییلو کې یې سخته ویره خپره کړې ده. او په نتنیاهو فشارونه مخ پر ډېریدو دي ترڅو روانه جګړه ودروي، ستونزه د خبرو له لارې حل کړي او حماس سره سلګونه اسراییلي بندیان را خوشې کړي.
