ډونالډ ټرمپ پر اپل کمپنۍ د بندیز غوښتنه کړې

کابل ټکی کام ۰۲کب/۱۳۹۴، احمدالله مهاجر
څه موده وړاندې د کلیفورنیا سترې محکمې له اپل کمپنۍ څخه غوښتې و، تر څو د هغو ترهګرو د آیفون پاسورډ مات کړي چې د تېر کال د دسمبر د میاشت په اوږدو کې یې په کلیفورنیا کې وژنې کړي دي.
د اپل کمپنۍ مشر (تیک کوک) یاده غوښتنه احمقانه وبلله او ویې ویل چې نشي یې منلای، هغه زیاته کړې وه، «قضیه باید د امریکا کانګریس وڅېړي، نه محکمه»
له تیک کوک څخه د ګوګل، فیسبوک او د واټساف استازو هم ملاتړ وکړ.
دا مهال د امریکا متحده ایالاتو ملیاردر او ولسمشرۍ ته نوماند ډونالډ ټرمپ پر اپل کمپنۍ باندې له دې کبله د بندیز غوښتنه وکړه چې له اف بي آی سره همکاري نه کوي.
د یادولو ده چې په تېر ۲۰۱۵م کال د امریکا د متحده ایالاتو په سان برناردینو کې یوې ښځې او مېړه پر لوی دولتي شرکت ډزې وکړې، چې په پایله کې یې ۱۴ تنه ووژل شول، ۲۱ تنه نور ټپيان یې سخت ټبیان کړل.