کابل ټکی کام (پنجشنبه، ۱۹ سلواغه، ۱۴۰۲ل)
د پاکستان رسنۍ او ځایي چارواکي مني چې د دغه هیواد په بېلابېلو سیمو کې پر څارونکو پولیسو او ټاکنیزو مرکزونو بریدونه شوي دي.
د پاکستان د ټولټاکنو کمیسیون نن سهار( د فبروري په اتمه) وویل چې په ټول هیواد کې د رایې اچونې پروسه پیل کړې او ډلې ډلې پاکستاني وګړي د رای اچونې مرکزونو ته رهي دي. بل خوا، داسې ګنګوسې هم شته چې د پاکستان په ځینو لرو پرتو سیمو کې د سیاسي او یا هم امنیتي ملحوظاتو په سبب ځینې ټاکنیز دفترونه تړلي پاتې دي.
پاکستانۍ رسنۍ وایي چې په خیبرپښتونخوا او بلوچستان ایالتونو کې ناپېژانده وسله والو پر ټاکنیزو مرکزونو بریدونه کړي او د ملکیانو په ګډون یې نږدې لسو تنو پولیسو ته مرګ ژوبله اړولې ده.
ځایي امنیتي مسوولینو منلې چې د بلوچستان په کچ سیمه کې د ټاکنو په یوه مرکز کې درې ماموران په نښه شوي، دغه راز په ((تپي)) سیمه کې د رایې اچونې یوه ماموره په نښه شوي دي.
د خیبر پښتونخوا په ډېره اسماعیل خان کې د پولیسو پر یوه موټر برید شوی چې ۷ تنه پولیس یې مړه او ټپیان کړي. تر اوسه د دې بریدونو له امله د مرګژوبلې په تړاو نور معلومات نه دي خپاره شوي.
داسې ویل کیږي چې د تحریک انصاف پر ګوند به ګڼ بندیرونه، د نواز شريف په مشرۍ د مسلم ليګ ن ګوند بریالی او د واک واګې به ترلاسه کړي.
د پاکستان پخوانی لومړی وزیر او د تحریک انصاف ګوند مشر عمران خان د قیمتي دولتي ډالیو د پلور، د پټو دولتي اسنادو په ښکارونه او له شرعې سره د ټکر واده له کبله په کلونو کلنو حبس محکوم شوی دی.
د تحریک انصاف ګوند ګڼ کاندیدان یا هم په خپلو کورونو کې پټ وو او یا هم په ښکاره خپل ټاکنیز کمپاینونه نه شوای کولی. دوی ګیله کوي چې ټاکنیزې تابلوګانې او بینرونه یې شکیږي او یا یې هم په پټه کمپاینونه ترسره کیږي. د تحریک انصاف ګوند څخه ټاکنیزه نښه(بېټ) هم لیري شوې. ددغه ګوند معترضین وایي چې د انتخابي نښې په بدلون به خلکو ته دا پوهاوی سخت وي چې د تحریک انصاف ګوند کاندیدانو ته رایه ورکړي.
د پاکستان د کورنیو چارو وزارت په خپل اېکس لیکلي چې د نن ورځ په مخ یې له افغانستان او ایران سره پولې تړلي دي. دغه شان دې هیواد په کوردننه د ټیلیفوني اړیکو او انټرنېټ سېګنلونه هم غوڅ کړي دي.
د پاکستان له ټولټاکنو د ناامنۍ خبرونه داسې مهال خپریږي چې پرون(تر ټولټاکنو یوه ورځ وړاندې) هم په بلوچستان کې د نوماندانو پر دوو دفترونو چاودنې وشوې چې شاوخوا ۷۰تنو ته یې مرګ ژوبله واړوله.
