لیک: س، سیرت
د روژې مبارکې په اړه چې څوډوله ده لیکوالو پرې زیاتې علمي لیکنې کړیدي لکه فرضي روژه، ثوابي روژه، قضايي روژه، نذري روژه او… چې ځنې نیکان بندګان ېې یا د روژې له فرضي میاشتې دمخه یا وروسته نیسي خوزه په یوه داسې روژه لیکنه کوم چې تراوسه پورې یوه لیکوال پرې لیکنه نه ده کړې او نه ېې دا ډول روژه ټولنې ته د روژې په توګه ورپیژندلې، ملاصاحب خود روژې په میاشت کې له هیڅ خبرنه وي د پښتو متل دی (باران وي که سیلۍ دمخلاپخه نمړۍ) ملاصاحب یواځې او یواځې د روژې ثوابونه بیانوي، خو دا روژه چې اوس پرې لیکل کوو ملاصاحب تراوسه دا ډول روژه نه نیولې نه ېې پرې لیکنه کړې او نه ېې ددې روژې په اړه څه ویلي دي که ېې څه ویلي وای مونږبه ترې په کامله توګه خبروو.
دا روژه چې اوس پرې لیکل کوودېته وايي د ( قحطۍ روژه) چې د فلسطین غزې مسلمانان ېې ددې فرضي روژې دمخه داسرايلي پوځونو د وحشت، ظلم، او ړندو بمباریو په دوام دپینځو میاشتوراهیسې په اونیو اونیو د خوراک دنشت والي له امله نیسي په تیر تاریخ کې به ډیرو مسلمانانوپه غربت کې فرضي ، صوابي او نورې روژې نیولې وي خو داسې د قحطۍ روژه به ېې نه وي نیولې، او بله داچې نورې روژې د سپیده داغه تر ماښآمه لویان او د سالم بدن خاوندان نیسي خو دا د قحطۍ روژه واړه ماشومان د لویانو سره سمه دپینځو میاشتو راهیسې شپه او ورځ نیسي اوکه د اسلامي هیوادونو دا بې احساسي دوام ولري په راتلونکې کې به ېې هم نیسي او ژوند به له لاسه ورکوي، ځکه چې یوشمیر بې احساسه او مړضمیره اسلامي هیوادونو د فلسطین غزې پر مسلمانانو په اسرائیلي وحشت او ظلم سترګې پټې کړي، دغزې ماشومان او ښځې ېې دنارینه ؤ په څیرد خوراکي توکو او سرپنا په نه شتون د بې وزلۍ ترشنه اسمان لاندې دبمونوپه باران کې دا د (قحطۍ) روژې نیسي.
دنورې نړۍ مسلمانانو د مبارکې روژې لپاره د روژه نیونې او روژه ماتي انسانتیاوې برابرې کړې خو دغزې هغه ماشومان چې الله تعالی پرې روژه نه ده فرض کړې د ولږې روژې نیسي اودمړینو راپورنوېې دهربا احساسه مسلمان ژوند او روژه ماتی تریځ کړیدی.
دمعلوماتو له مخې له غزې یو عشاریه اووه میلونه کډوال وګړي ددې فرضي روژې دمخه د پینځو میاشتو راهیسې روژې نیسي، د غزې ۷۵٪ سلنه وګړي داسرائیلو دبمباریو په نتیجه کې په وحشتناکو” شرایطو کې ژوند کوي چې دا حالت دسختې ولږې له امله د انساني ناورین ته رسیدلې دی او دماشومانو د مړینې راپورنه ېې ټولې تړۍ وا وریدل خوبې ضمیره عربی شیخانو او دنورې اسلامي نړۍ خوبولو مسلمانانو لا ندي اوریدلي.
داندیښنې خبره داده چې د جګړو او بمباريو د وژنو علاوه د روانې میلادي میاشتې له شپږمې نېټې راهیسې د غزې په شمال کې د ولږې یا خوارځواکۍ او د اوبو د کمښت له امله د مړو شمېر ۲۰ تنو ته رسېدلی دی اوپاتې ژوند ېې د (قحطۍ روژې) نیسې اوآن ماشومانو ته له ولږې د ونو پاڼې یا واښه ورکوي .
پرون له قبرسه دخوراکي توکو یوه بارکښتۍ غزې ته رسیدونکي وه خو هغه هم دستونزو سره مخ وه چې خوراکي توکي په کوم بندر اړمنو ته کوز کړي او بله داچې دا د ۲۰۰ ټنو خوراکي توکو کښتۍ به دغزې کډوالو ته څرنګه ورسیږی .
دافسوس ځای دادې عربي شیخان چې په لومړي سرکې شمیرل کیږي دیوشمیر مړضمیره اسلامي هیوادونو په څېر اوپه ځانګړې توګه د اسلام سرښندونکودعودارو هم د بی احساسو څادرونو لاندې په خوب ویده دي.
په رفح کې د غزې دکډوالو سره د روژې نیولو اواماتولوهیڅ نشته په څه به ېې ونیسې او په څه به ېې ماته کړي ددې فرضي روژې دمخه دهغوې ماشومان دشپې ورځې روژه دي، د غزې دکډوالو ماشومامن چې څه دمخه مړه شوي او یا وروسته له ولږې مري ددې مسئولتي لومړی د مړضمیره عربي شیخانو اوبیا د بې احساسه اسلامي هړۍ دی چې ددې فرضي روژې دمخه ېې د (قحطۍ) په روژوکې ژوند له لاسه ورکړیدی.
زړه ېې مه بوله تورکاڼی د صحرا دی
په لیدو د زخمي زړه چې زخمي نه شی
اروا ښاد ګل پاچا ( الفت)
