کابل ټکی کام (شنبه، ۱۱ وری، ۱۴۰۳)
د واوکرایین ولسمشر “زیلینسکي” په خپلو تازه څرګندونو کې ویلي که د امریکا ملاتړ دوام ونکړي، موږ به شاتګ ته اړ شو.
نوموړي پلازمېنه کېیف کې یوې خبري ناستې ته د خبرو پر مهال ویلي، چې که اوکراین سره د امریکا له خوا ژمنه شوې پوځي مرستې ترلاسه نه کړي، د دغه هېواد ځواکونه به له ځینو مهمو سیمو شاتګ ته اړ شي.
په ورته وخت کې ولسمشر زیلینسکي له “واشنګټن پوسټ” سره په یوې ځانګړې مرکه کې ویلي «که د امریکا ملاتړ نه وي، نو دا په دې مانا ده چې موږ هوايي دفاع، پیټریوټ توغندي، برقي جنګي جیمرونه یا ۱۵۵ ملي متري توپخانې نه لرو.»
هغه زیاته کړه: “د امریکا د پوځي ملاتړ نشتوالی په دې معنی دی چې موږ به ګام په ګام کې شاتګ وکړو.
د ویلو ده، چې د جمعې په ورځ د اوکرایین د پوځ لوړ پوړي قوماندان “اولیکساندر سرسکي” ویلي و، چې د دغه هېواد پوځیان د وسلو او مهماتو پرته» په لومړۍ کرښه کې جنګېږي.
