کابل ټکی کام (جمعه، ۲۸ ثور، ۱۴۰۳ل)
د یمني حوثیانو بنسټګر او روحاني مشر “عبدالمالک حوثي” په خپلو تازه څرګندونو کې ویلي، چې د تېر ۲۰۲۳م کال د نومبر میاشتې له ۱۵ نېټې راهیسې یې تر اوسه د امریکا، برېتانیا، اسراییلو او نورو اړوندو هېوادونو سل کیښتۍ ویشتلي، چې له ډلې یې لسګونه په پشپړه توګه ویجاړې شوې او ځینو ته یې د پام وړ زیان اوښتی ده. حوثي، چې د مقاومت اړوند “المیادین” خبري آژانس سره یې خبرې کولې وویل: غزه او رفح کې د صهیونیستي ترهګر ريژیم لخوا د روانو وحشیانه عملیاتو په غبرګون کې به سره سمندرګي، عدن خلیج، بحرین سمندر، هندي سمندر او هر هغه ځای کې چې د یمن د وسله وال ځواکونه د عملیاتو ظرفیت لري اسراییلو ته روانې بېړۍ به هدف ګرځوي. نوموړي یوځل بیا فلسطیني ولس سره پر خپل ملاتړ ټینګار کړی او په خبره یې په یمن د امریکایي او برېتانوي یرغلګرو بریدونه ناکام دي د دوی روحیات یې نه دی اغیزمن کړي او ځواکونه یې په منظمه توګه خپلو ځپونکو عملیاتو ته دوام ورکوي. د یادونې وړ ده، چې حوثي دغه راز ټینګار کړی، چې د بېلا بېلو هېوادونو ۶ بېړۍ یې سره له مالونو او عملې روغې نیولې او د برخلیک واک یې حماس اسلامي غورځنګ ته سپارلی ده.
