کابل ټکی کام (سه شنبه، ۲ زمری، ۱۴۰۳ل)
د یمني حوثیانو د نظامي څانګې “انصارالله” یو لوړ پوړي غړي ویلي، چې زموږ د خلکو وينه د غزې د مظلوم ملت تر وينو قيمتي نه ده. “عبدالسلام جحاف” چې د انصارالله غورځنګ د رسنیو د څانګې غړی ده المیادین خبري آژانس سره یې په خبرو کې ویلي، چې غزه او یمن دواړه بمباریږي او دا زموږ لپاره یو افتخار ده زموږ د خلکو وینه د غزې د مظلوم ملت تر وینو قیمتي نه ده او موږ به په هر حالت کې د فلسطیني ولس ملاتړ ته دوام ورکوو. نوموړي د خپلو خبرو پر دوام منلی، چې د اسرائیلي ريژیم په هوایي بریدونو کې یې ۱۷ هیوادوال شهیدان او ۸۸ نور ټپیان شوي دي. د یادونې وړ ده، چې د انصارالله دغه لوړ پوړي غړي خبرداری ورکړی، چې جګړه پای ته نه ده رسیدلی، بلکې اوس پیل شوې ده او موږ به له صهیونیستي دوښمن غچ اخلو.
