کابل ټکی کام (یکشنبه، ۲۵ وږی، ۱۴۰۳ل)
د یمن وسله والو ځواکونو خبر ورکړی، چې د لومړي ځل لپاره یې، د اسرائیلو مرکزي سیمې پر توغندیو وېشتلې دي.
د یمني پوځ ویاند “جنرال حیی سرېع” ویلي، پر اسراییلو یې داسې توغندي توغولي، چې ۱۱ نیمو دقیقو کې یې، ۲۰۴۰ کیلومټره مزل وهلی دی.
اسراییلو ویلي، چې دغه بالېستیک توغندي په یوې شاړه سیمه کې لګېدلی او چاته پهکې زیان نهدی اوښتی.
د رویټرز خبري اژانس د راپور له مخې، اسراییلو کې نن سهار وختي د اسراییلو پلازمېنې تلابیب او مرکزي سیمو کې د خبرداري زنګونه وهل شوي وو.
په ورته مهال د یمني پوځ ویاند همداراز ویلي چې دغه توغندی یې، له فلسطینیانو سره د پیوستون په موخه پر اسراییلو توغولی دی.
له هغه وخت راهیسې چې اسراییلو پر غزې برید پیل کړی یمني ځواکونو وخت ناوخت پر اسراییلو توغندي وروېشتې دي.
سرېع وویل: «لکه څنګه چې موږ د اکتوبر اوومې برید لومړۍ کلیزې ته نږدې کېږو او پر حدیده ښار د برید په ځواب کې اسراییل باید نورو بریدونو ته په تمه واوسي.»
د یمني ځواکونو یوه بل چارواکي ویلي چې د شلو توغندیو له وېشتلو وروسته، دغه توغندی اسراییلو ته ورورسېدلی او په وینا یې، دا یې، پیل دی.
