رویټرز: یحیی سنوار غزه کې د صهیونیستي پوځ لخوا په نښه شوی
کابل ټکی کام (پنجشنبه، ۲۶ تله، ۱۴۰۳ل)
رویټرز او ځینو نورو رسنیو خبر ورکړی، چې د حماس اسلامي غورځنګ د سیاسي مشر یحیی سنوار د فلسطین په غزه کې د اسرائیلو لخوا په نښه شوی دی.
رویټرز د خپلو سرچینو په قول لیکلي:”د اسرائیلي ځواکونو لخوا هغه ځای په نښه شوی؛ چیرته چې د حماس غورځنګ مشر یحیی سنوار اوسېدو.”
حماس بیا تراوسه ددغه خبر په اړه څه نه دي ویلي.
د یادونې وړ ده، چې په دې وروستیو کې په پرلپسې ډول د اسرائیلي اشغالګرو لخوا ادعاوې کېدې چې ګواکی د حماس غورځنګ مشر یحیی سنوار یې په نښه کړی دی.
