کابل ټکی کام (چهارشنبه، ۲۳ لړم، ۱۴۰۳ل)
له غزې ورکړل شوي راپورونه وایي، چې د یادې تړانګې په شمالي او ځینو نورو سیمو کې په تېره یوه اوونۍ کې ۱۲ صهیونیستي پوځيان وژل شوي او لسګونه نور ټپیان شوي دي.
د حماس اسلامي غورځنګ د پوڅانګې “القسام” لېوا سرچینو د مقاومت اړوند الأقصی تلویزیوني شبکې ته ویلي، چې ځواکونو یې په یاده مو ده کې د اشغالګر پوځ څلور پرمختللي ټانکونه ویجاړ کړي، چې په پایله کې یې ۱۲ اشغالګر پوځیان وژل شوي او ګڼ شمېر نور ټپیان شوي دي.
د یادونې وړ ده، چې اسرائیلي پوځ هم د غزې په شمال کې خپل لوري ته د اوښتې مرګ ژوبلې پخلی کړی؛ خو د کره شمېرو په هکله یې څه نه دي ویلي.
