غزه کې لسګونو صهیونیستي پوځیانو ته مرګ ژوبله اوښتې
کابل ټکی کام (دوشنبه، ۱۲ لیندۍ، ۱۴۰۳ل)
د راپورونو له مخې د غزې په شمال کې د حماس ځواکونو په برید کې د یو لوړ پوړي اسرائیلي افسر په ګډون ۴ صهیونیستي پوځیان وژل شوي او ۱۸ تنه نور ټپیان شوي دي.
د حماس اسلامي مقاومتي غورځنک یوې سرچینې د مقاومت اړوند “المیادین” خبري آژانس سره خبرو کې ادعا کړې، چې ځواکونو یې د غزې شمال کې صهیونیستي پوځیانو سره مخامخ نښته کړې او درنه مرګ ژوبله یې ور اړولې ده.
د ویلو ده، چې اسرائیلي ترهګر ريژیم تر دې دمه د حماس غورځنګ د ادعاوو په هکله څه نه دي ويلي.
