کابل ټکی کام (چهارشنبه، ۲۱ لیندۍ، ۱۴۰۳ل)
د امريکا پوځ وايي ،چې په عدن خليج کې د حوثيانو له لوري د دوی پر بېړيو د شويو بريدونو مخه يې نيولې.د امريکا مرکزي قوماندانۍ «سنتېکام» چې منځني ختيځ کې د امريکا پوځي فعاليتونه څاري، ويلي، دوو کښتيو له يمنه توغول شوي توغندي او بېپېلوټه الوتکې په نښه کړي دي.دې کښتيو د امريکا اړوند درې سوداګريزې کښتۍ سکوټ کولې ،چې د حوثيانو تر بريد لاندې راغلې. په دې بريد کې کښتيو ته زيان نهدی اوښتي.امريکا په داسې حال کې له څو مياشتو راهيسې له حوثيانو سره ډزې تبادله کوي ،چې ياده ډله هڅه کوي، څو د سره سمندر له لارې د تلونکو سوداګريزو بېړيو مخه ونيسي.حوثيان وايي: دغه هڅه يې، پر اسرائيلو او امريکا د فشار راوستلو له امله ده، څو دوی غزه کې روانه جګړه پای ته ورسوي. امريکا د اسرائيلو له کلکو ملاتړو شمېرل کېږي.امريکا وايي: د روان کال پيل کې د دوو مياشتو پرمهال حوثيانو شاوخوا ۲۷ بريدونه کړي دي. د يمن حوثيانو همداراز پر اسرائيلو د دوشنبه ورځې د بريد مسئوليت هم منلی دی.
