کابل ټکی کام (چهارشنبه، ۳ سلواغه، ۱۴۰۳ل)
له هغه وروسته، چې د فلسطین د لویدیځې غاړې پر “جنین” ښارګوټي د صهیونیستي ترهګر پوځ په حشیانه عملیاتو کې ۴ تنه شهیدان او ۳۵ تنه نور ټپیان شول. له سیمې وروستې راپورونه وایې، چې د اشغالګر پوځ او قدس لېوا “سرایة القدس” د مجاهدینو ترمنځ خونړۍ نښتې روانې دي.
په ورته مهال د اسرائیلو ۱۲ خبري آژانس د پوځي چارواکو په حواله خبر ورکړی، چې ځواکونه یې په لویدیځه غاړه کې د جنګي اهدافو د پلي کولو او د لویو او قوي پوځي عملیاتو د ترسره کولو لپاره چمتووالی نیسي، چې ممکن په راتلونکو کې له ټانکونو او جنګي الوتکو څخه هم کار پکې واخیستل شي.
د یادونې وړ ده، چې حماس اسلامي غورځنګ د لویدیځې غاړې اوسېدونکو ته د هر ډول مرستې ډاډ ورکړی او ترې غوښتې یې دي، چې ثابت قدم پاتې شي. حماس دغه راز په نړیوالې ټولنې هم غږ کړی، چې په لویدیځه غاړه کې د صهیونیستي ريژیم د پارونکو اقداماتو مخه دې ونیسي.
