کابل ټکی کام (چهارشنبه، ۳ سلواغه، ۱۴۰۳ل)
نن چهارشنبه د اطلاعاتو او کلتور وزارت نشراتي معین ښاغلي مولوي مهاجر فراهي په خپل کاري دفتر کې د قطر لپاره له نوي ټاکل شوي افغان سفیر”سهیل شاهین” سره وکتل.
دواړو لوریو د مطبوعاتي برخې د تقویې پر میکانیزم، د کتابونو د چاپ د پروسې توسعه او نورو مسائلو باندي تفصیلي خبرې یې وکړي.
ښاغلي مهاجر فراهي په مطبوعاتي او نشراتي برخه کې د خپلو فعالیتونو په هکله معلومات ورکړل او ترڅنګ یې په هغو لارو چارو هم بحث وشو، چې څنګه یې له مخې خدمات لا پراخ او هر اړخیز کولای شو.
نوموړي دغه راز وویل چې د ا.ا.ا په نشراتي برخه کې د امارتي او خصوصي رسنیو د فعالیت سربیره د کتابونو او قرانکریم د چاپ په برخه کې ملموس کارونه ترسره شوي او هڅه کیږي ترڅو لا ښه او اغیزمن پرمختګونه تر سره شي.
ښاغلي شاهین د اطلاعاتو او کلتور وزارت لاسته راوړنې د پام وړ وبللې او د لا زیاتو پرمختګونو هېله یې څرګنده کړه.
