کابل ټکی کام (چهارشنبه، ۳ سلواغه، ۱۴۰۳ل)
د صهیونیستي اشغالګرو له لوري د لودیځې غاړې په جنین ښارګوټي د وحشیانه بریدونو په دوام حماس اسلامي غورځنګ په خپل لومړني غبرګون کې ویلي، چې له جګړې پرته بله لاره نلري.
په یاد ښار کې د حماس اسلامي غورځنګ استازي “زهرا جبارین” ویلي، چې موږ به مقاومت کوو، آن که له موږ سره له ډبرو پرته بل شی پاته نشي، موږ نه تسلیمیږو ، موږ سره فولادي او د قربانۍ ملت ملګری ده، او د داسي دښمن سره مخ یو، چې د مستقبل لپاره هیڅ فلسطیـین او حقوق یې نن مني.
د نوموړي په خبره نتنیاهو یواځې د خپل واک ساتلو لپاره تخریب او وژل کوي، موږ له جـګړې پرته بله لار نلرو، یا به د بریا تر سرحده رسېږو او یا به لکه غزه مېشتي شهادت ته غاړه ورکوو.
د یادونې وړ ده، چې په غزه کې تر اوربند وروسته صهیونیستي اشغالګرو له تېرې شپې راهیسې د لودیځې غاړې اړوند په جنین ښارګوټي کې د مقاومت د ځپلو په موخه عملیات پیل کړي؛ خو د محمود عباس په مشرۍ د فلسطین ادارې یې تر اوسه په اړه کوم غبرګون نه دی ښودلی.
