کابل ټکی کام (يکشنبه، ۵ حوت، ۱۴۰۳ل)
کابل والي ملا امین الله عبید په مشرۍ د دې ولایت قومي مشرانو، ګذر وکیلانو او ځوانانو د اوبو او انرژۍ وزارت سرپرست ملا عبداللطیف منصور سره لیدلي دي.
کابل ولایت په یوه خبرپاڼه کې ویلي، چې په دې لیدنه کې یادو قومي مشرانو، ګذر وکیلانو او ځوانانو له ملا عبداللطیف منصور غوښتي، چې په کابل کې د پاکو اوبو د ستونزو د حل لپاره نورې بنسټیزې پروژې طرحه او پلې کړي.
د خبرپاڼې له مخې، بل لورته د اوبو او انرژۍ وزارت سرپرست ډاډ ورکړی، چې په راتلونکي کې به په کابل کې د اوبو او انرژۍ پروژو پلې کېدو ته ډېره پاملرنه وشي.
