کابل ټکی کام (سه شنبه، ۲۶وری، ۱۴۰۴ل)
د بامیان ولایت د کلیو د بیارغونې او پراختیا ریاست وايي، چې د دغه رياست له لوري د یکه و لنګ ۱ ولسوالۍ په بیلابیلو کلیو کې د (۳۲) میلیونه افغانیو په لګښت د اوبو رسولو (۷) شبکو د جوړولو چارې پیل شوې.
ياد رياست په یوه خبرپاڼه کې ويلي، چې دغو شبکو کې د ( ۷۰ او۸۰ ) مترو په ژوروالي د دوه حلقه څاګانو کیندل، د (۱۰,۲۰,۳۰) متر مکعب په وړتیاوو د پاکو اوبو ذخیرو جوړول، د (۵۰۰) شیردهنونو نښلول او د (۲۹۵۰۰) مترو په اوږدوالي پایپ غځول شامل دي.
د رياست د معلوماتو له مخې، د یادو شبکو د کار په جریان کې به لسګونه تنه کاریګرو ته د کار زمینه برابره او په بشپړیدو سره به یې د نوموړې ولسوالۍ (۱۰۰۰) کورنۍ د څښاک پاکو اوبو ته لاسرسی پيدا کړي
