کابل ټکی کام (سه شنبه، ۲۶ وری، ۱۴۰۴ل)
د حماس د پوځي څانګې «القسام» وياند ابو عبيده په تازه څرګندونو کې ویلي چې صهيونيستي اشغالګرو پر هغه ځای بمبار کړی، چې دوه تابعیته عيدان الکساندر پکې و.
د نوموړي په خبره د صهيونيستي اشغالګرو له هوايي بريد وروسته يې هغې ډلې سره چې د دوه تابعیته عیدان الکساندر د ساتنې دنده يې درلوده، اړیکه له لاسه ورکړې.
د نوموړي په خبره زموږ اټکل دا دی چې اشغالګر هڅه کوي په لوی لاس له هغو اسیرانو ځان خلاص کړي چې دوه تابعیته لري، تر څو له يوې خوا نړيوال فشار راکم کړي او له بلې خوا د نسلوژنې جګړې ته دوام ورکړي.
