د حماس برید صهیونیستي پوځیانو ته مرګ ژوبله اړولې
کابل ټکی کام (سه شنبه، ۲۶ وری، ۱۴۰۴ل)
د حماس اسلامي غورځنګ پوځي څانګې “القسام” لېوا په یوه لنډه خبر پاڼه کې ویلي، چې د غزې په شجاعیه سیمه کې یې په صیهونیستي پوځیانو برید کړی او مرګ ژوبله یې ور اړولې ده.
اعلامیه کې راغلي: نن د ماسپښین په ۳ بجو زموږ مجاهدینو د اشغالګرو پوځیانو سره د الشجاعیه ختیځ کې نښته وکړه، چې په ترڅ کې یې یو شمېر عسکر ووژل شول او یو شمېر نور ټپیان شول.
