د فتوې شمېره (۳۶۷)
پوښتنه :
که له چا څخه په سفر کې لمونځ پاتې شي او یا یې بې اودسه وکړي ، اوس غواړي په کور کې یې قضايي راوګرځوي ، څور رکعته به راګرځي ؟ پوره لمونځ او که دوه رکعته ؟
الجواب وبالله التوفیق :
که له چا څخه په سفر کې څلور رکعتیز لمونځ قضا شي او یا یې بې اودسه وکړي ، په کور کې به د سفرانه لمونځ قضايي راګرځوي ، یعنې دوه رکعته به راګرځوي .
او که د اقامت لمونځ په سفر کې راګرځوي ، بیا به یې پوره کوي .
الدلیل علی ذلک :
(قوله سفرا وحضرا) أي فلو فاتته صلاة السفر وقضاها في الحضر يقضيها مقصورة كما لو أداها وكذا فائتة الحضر تقضى في السفر تامة.
ردالمحتار ، ټوک : ۲ ، مخ : ۱۳۵ ، فروع فی قصر الصلاة
