ابو عبيده: د خانيونس جګړه د اشغالګرو د بربادۍ يو مثال دی
کابل ټکی کام (شنبه، ۱۷ غبرګولی، ۱۴۰۴ل)
د حماس اسلامي غورځنګ د پوځي څانګې د القسام لېوا وياند ابو عبيده ويلي، چې په خانيونس کې اشغالګرو ته رسېدلي درانه زيانونه، يوازې يوه نمونه ده له هغې صحنې چې د دښمن ځواکونه به يې په هر ميدان کې تجربه کوي.
هغه زياته کړه: «د دښمن لپاره بله لار نه ده پاتې، يا به خپل مشران دې ته اړ باسي چې د نسلوژنې دا جګړه بنده کړي، يا به نور خپل اولادونه د تابوتونو په بڼه له ميدان راټولوي.»
ابو عبيده ټينګار وکړ، چې مقاومت به تر هغې مبارزه روانه وساتي، څو اشغال پای ته ونه رسېږي او فلسطين ازاد نه شي.
