کابل ټکی کام (شنبه، ۲۶ تله، ۱۳۹۹ل)
مخکښو پاکستاني رسنیو راپور ورکړی چې د حزب اسلامي مشر او تیرو ولسمشریزو ټاکنو ته نوماند “ګلبدین حکمتیار” راتلونکې دوشنبه پلازمینې اسلام آباد ته سفر کوي.
د سرچینې په وینا، حکمتیار به په دې رسمي سفر کې د دې هیواد له لومړي وزیر عمران خان، بهرنیو چارو وزیر محمود قریشي او یو شمیر نورو پاکستاني مشرانو سره وګوري.
په دې اړه که څه هم تر اوسه ډیر جزیات نه دي ورکړل شوي؛ خو تر دې وړاندې د مصالحې عالي شورا مشر ډاکټر عبدالله عبدالله هم اسلام آباد ته درې ورځنی سفر کړی وو، او د دې سفر موخه یې د سولې پر وړاندې د شته خنډونو لرې کیدل، او سیمې ته د تلپاتې سولې راتګ ښودل شوی وو.
